SAC Lt. Colonel telh in ralkap 8 KNLA nih an tlaih hna
The Chinland Post | 2022 September 5 – Mon ram, Thanbyuzayat peng, Waikali khute ah hram a bunhmi ralkap cawnnak sianginn in a rak kirmi SAC Lt. Colonel telh in SAC ralkap 8 cu KNLA le Taungnyo phufonh nih September 4 chun ah an tlaih hna tiah thawng theih a si.
Ye khua, Aayutaung khuate hrambunh LIB 343 in Lt. Colonel Hla Tin telh in SAC ralkap 4 le Ye khua hrambunh Infantry 61 in ralkap 4 cu September 3 chun sml 2 ah mawṭaw in Ye khua lei an kal lioah an tlaih hna tiah theih a si.
Cu SAC ralkap 8 cu Waikali khua No. 4 ah cawnnak a ngeimi an si tiah theih a si.
Ralkap 8 he an hmanmi thilri pawl le anmah number aa ṭialnak kuang zong an lak khawh tiah theih a si.
About The Author
