July 25, 2024

SAC nih a thiltuah aa remh lo ahcun kahdohnak a chuak lai tiah AA nih a chim

0

The Chinland Post | 2023 February 27 — SAC ralkap pawl cu Rakhine ram, Toungup, Thandwe le adang dang peng khuate pawl ah cawlcanghnak an tuah i ULA/AA he pehtlaihnak tuah lo ding le hnatlakpi lo ding tiah khuami an hnek mi hna hi kahdohnak a chuahtertu thil a si tiah AA nih a chim.

SAC ralkap pawl an cawlcanghnak hmunhma kip ṭha tein kan ngiat ko tiah February 27 Press Conference ah AA biachimnak nawl a ngeitu Khine Thukha nih a chim.

“Kawl ralkap nih atu bantuk in an tuah peng a si ahcun kahdohnak lam a phan ṭhan kho” tiah a chim.

SAC he kahdaih hnathlaknak an tuah hi 2022 November 26 ah a si i thla 3 chung kahdaihnak caan chung ah tlaih a tong mi, tazacuai a si mi le thong ah hren mi vialte thlahpiak ding ti mi hnatlaknak aa tel chih.

“Kahdaih hnatlaknak kan tuah kha thla 3 a tling cang nain Arkan miphun pawl a thlah rih hna lo. Tlaih a tong mi Arakan miphun pawl an thlah hna hnu lawng ah zeidah kan tuah lai ti mi kha bia kan khiah te lai” tiah a chim.

Cun hnatlaknak chung ah thilri porhnak lam vialte awnhpiak ding ti mi aa tel chih caah an kan awhpiak lo cun hmailei ah harnak tampi a chuak kho tiah a chim fawn.

SAC nih AA he pehtlai in a tlaih mi hna chung in cheukhat cu ni sunglawi ah a thlah hna nain thlah rih lo mi tampi an taang rih tiah theih a si.

About The Author

Na ruahning rak langhter ve.. (Leave a comment)