SAC Nih Hngakchia A Tlawmbik 456 A Thah Cang Hna I 664 A Tlaih Cang Hna
SAC Nih Hngakchia A Tlawmbik 456 A Thah Cang Hna I 664 A Tlaih Cang Hn
Salai Mangpau | September 19, 2023 —
SAC nih hramhram in uknak a lak hnu 2021 February 1 thawk in 2023 September 15 tiang ah kum 18 tang hngakchia 456 an thah cang hna i, hngakchia 664 an tlaih cang hna tiah Assistance Association for Political Prisoners (AAPP) cazin nih a langhter.
NUG le a hawikom tlangcung hriamtlai phu pawl nih an tlaihnak hmunhma pawl ah raltuk lio ah buarmi sualnak (war cime) pawl kha sual phawtnak, Warrant chuahnak, tlaihhrennak, tlaih hnu ah phungning tein sual internak hna kan tuah lai tiah a thanh. Hramhram in mi an thahnak kong he pehtlai in rian ngeitu pawl, mi thahnak he pehtlaihnak a ngei mi pawl vialte nih sualphawtnak an in ṭhan khawh nakhnga a rannak in kan tawlrel khawh nak hnga kan i zuam tiah theihternak a tuah.
SAC ralhrang nih 2023 September 11 tiang ramchung ah sualnak ngei lo mipi 4,078 leng an thah cang hna. Myanmar ram ah hramhram in uknak lak a si hnu kum 2 leng chung ah SAC ralkap nih sualnak ngei lo mipi 4,078 a thah cang hna i a tlaih a tong mi minung 247,777 tiang an um cang tiah Assistance Association for Political Prisoners (AAPP) nih a thanh.
Atu cazin hi 2021 February 1 in 2023 September 15 tiang AAPP nih a khawmhsuat mi a si i khawmhsuat khawh mi leng ah a thi mi an tampi rih lai tiah a langhter. KhuaPau dothlennak chung, tuni tiang ah minung 19,465 an tlaih/hrem in biahal an tong cang hna i cu chung ah minung 7,323 cu thongthlak ding in biakhiah an si.
About The Author
