SAC ralkap 2 hriam he KNDO sin ah CDM an tuah
![](https://i0.wp.com/thechinlandpost.info/wp-content/uploads/2022/08/KNDO-sin-ah-CDM-a-tuahmi_2022-August-21-scaled.jpg?fit=640%2C853&ssl=1)
The Chinland Post | 2022 August 22 – Karen ram, Myawaddy-Wallay hmunhma ah kahdohnak a tuahmi SAC ralkap pawl sin in ralkap 2 cu KNDO sin ah hriam he CDM an tuah tiah theih a si.
CDM a tuahmi ralkap 2 hi Engineer ralkap Aung Aung le Infantry 275 in ralkap Ar Kar Min hna an si tiah Pyithu Pantai phu nih an thanh.
Cu ralkap 2 nih MA zuun 3, kuan tampi he CDM an tuah hi a si i July thla chungah KNDO he pehtlaihnak an ngeih hnuin dothlennak dih ding in mipi lei kan ṭang lai timi biakhiahnak he CDM an tuahmi a si tiah a langhter.
Cu ralkap 2 cu KNDO nih a don hna i, NUG cozah nih conglawmhnak tangka zong a pek hna tiah theih a si.
Karen ram chungah kahdohnak a tuahmi SAC ralkap hna nih ralram in dothlennak phu pawl sin ah a lam tampi in CDM a tuahmi an tam chin tiah a langhter fawn.