SAC ralkap an kah hna i 15 nak tlawm lo an i hliam tiah CDF-Paletwa nih a thanh
The Chinland Post | 2023 February 14 — Chin ramkulh, Paletwa peng chung ah a rak lut mi SAC ralkap pawl voi 2 an kah hna i SAC lei in 15 nak tlawm lo an i hliam tiah CDF-Paletwa nih February 13 ah a thanh.
February 8 zinglei sml 11:00am hrawng ah Sami khua lei in phu 3 ṭhen in a rak lut mi SAC ralkap pawl an kah hna hi a si.
SAC ralkap pawl cu Wating-Hiwa khua karlak ah min 15 hrawng an kah hna i SAC ralkap 5 nak tlawm lo an i hliam, mipi hriamtlai lei an him tiah an thanh.
SAC ralkap phu 3 chung ah Paletwa hrambunh Infantry 289 in SAC ralkap 80 hrawng cu February 12 zinglei sml 10:00am hrawng ah an kah ṭhan hna.
SAC ralkap pawl cu Soenikanaung khua pawng ah min 45 hrawng an kah hna i SAC ralkap lei in a tlawm bik 10 an i hliam i a thi mi cazin fehter khawh a si rih lo tiah theih a si.
Cu kahdohnak ah CDF-Paletwa, CDF-Mara an i bawm i him tein an kir ṭhan kho tiah theih a si.
About The Author
