SAC Ralkap Battalion 1 A Ning Pi In MNDAA Sin Ah A Sung An Pek
The Chinland Post | 2023 November 1 — Unau hawikom phu sin ah SAC ralkap LIB 143 chungtel an zapi nih hriam chiah in a sung an pek tiah The Kokang nih November 1 zinglei ah thawng a thanh.
Kunlong peng, Kanmine hmunhma ah hram a bunh mi SAC ralkap LIB 143 in ralkap 41 cu unau hawikom phu sin ah a sung an pek hi a si.
Hriam chiah in a sung a pe mi LIB 143 chungtel 41 chung ah Second Battalion Commander 1, Company Commander 2 an i tel tiah theih a si.
October 30 ah MNDAA sin ah LIB 143 nih hriam chiah in a sung pek hi a si i an hriam le kahdohnak thilri vialte cu sakhaan ah an kaltak tiah theih a si.
Hriam chiah in a sung a pe mi ralkap 41 cu minung pakhat ah sing 15 in (sing 700) leng umkalnak caah an pek hna i himnak hmun ah an kuat hna tiah theih a si.
About The Author
