SAC ralkap le TNLA karlak kahdohnak ruang ah hngakchia 10 telh in khuami 30 leng an tlau, SAC ralkap a thi mi ruak pawl an langhter
The Chinland Post | 2022 December 14 – A luancia December 7 thok in Namhsan peng, Konetha khua pawng ah a um mi TNLA sakhaan cu Helicopter 6 in ralkap a rak thlak hna i kahdohnak chung ah Human, Konetha khuami 30 leng ramlak ah atutiang an tlau rih tiah theih a si.
A tlau mi chung ah kum tling lo hngakchia 10 nak tlawm lo an i tel i tar telh in khuami 30 nak tlawm lo an tlau rih tiah theih a si.
A tlau mi pawl an zaamnak lei ah atutiang kahdohnak a fah rih caah chungkhar hna an thinphang i inn 60 hrawng a si mi Konetha khua cu SAC nih vanlei in a kah ruang ah mipi inn 50 hrawng a rawk.
Cun SAC nih vanlei in a kah ruang ah a rawk mi Namhsan penh Konetha khua phungki sianginn chung ah SAC ralkap ruak 9 le hriam pawl kha TNLA nih an hmuh.
Konetha khua pawnghrawng i ni 5 chung kahdohnak ah SAC ralkap 47 an thi i SAC ralkap 24 an tlaih khawh hna tiah Shan News nih a langhter.
About The Author
