SAC vanlawng India ramri (airspace) chung ah a rak lut lo tiah India nih a chim

0

The Chinland Post | 2023 January 20 — Mizo ramri chung ah a um mi tiva kam ah Myanmar ram lei in kah mi bom a tlaknak kong he pehtlai in ceihhmainak kan ngei lio tiah India ramchung lei Minister nih a chim.

India-Myanmar ramri ah a um mi CNF Headquarters cu January 10 le 11 ah SAC nih bom a rak thlak lio ah India ramri (airspace) chung a rak lut lo nain Champhai pengkomh, Farkawn khua ah a um mi tiva chung ah bom a tlak caah India caah thinphang a si, cu kong he pehtlai in Myanmar he ceihhmainak kan ngei lio tiah India Ministry of Home Affairs biachimnak nawl a ngeitu  Arindam Bagchi nih a chim tiah Times of India thawngzamh nih a langhter.

SAC nih bom a thlak ruang ah Champhai pengkomh ah a um mi mipi hna thinphang in an rak um tiah a langhter.

Cun, Bomthlak lio ah India ramri (airspace) chung ah a lut tiah CNF, NUG, nuhrin covo phu pawl le Mizoram hrambunh zatlang phu nih an langhter.

India uknak nawl ka zeirel lo in India mipi hna covo a buar a si tiah  Mizoram hrambunh zatlang phu pawl nih an doh.

About The Author

Na ruahning rak langhter ve.. (Leave a comment)

%d bloggers like this: