Sagaing ah PDF sakhaan pakhat luh hnawh an tong i PDF 1 a nunnak a liam
The Chinland Post | 2023 January 19 – Sagaing ramṭhen, Htungbo khua pawng ah a um mi Red Dragon Guerrilla phu sakhaan cu SAC ralkap nih an luh hnawh hna i PDF pakhat le mipi pakhat an thah hna tiah thawng theih a si.
January 17 zinglei sml 9:00am hrawng ah Sagaing peng, Htungbo khua ah SAC ralkap an lut i Red Dragon sakhaan an kah hna caah PDF Ye Zin Zaw Tun a nunnak a liam tiah Red Dragon phu nih an thanh.
Adang hriamtlai pawl bel an him i sakhaan ah a rak lut mi SAC ralkap pawl cu Madaya peng PDF phu le Wetlet peng PDF phu nih an kah ṭhan ve hna caah SAC ralkap pawl an kir dih ṭhan tiah an thanh.
About The Author
