Sagaing Ramṭhen Pengkip Ah ERO Le Mipi Ralkap Nih Hmunkip In Kahdohnak An Tuah
The Chinlandpost | November 3, 2023 — Sagaing ramṭhen pengkip hmunkip um SAC ralkap sakhaan pawl cu November 3 thawk in tlangcung hriamtlai ERO le PDF mipi ralkap hna nih kahfohnak an thaek theih a si.
Upper Sagaing hmun, Kawlin, Wontu, Pinlebu, Chettin, Kata, Bamouk, Htigyaing, Kantbalu, Zikung, Kyunhla le peng kip um SAC sakhaan pawl an kah hi a si .
November 3, zing sml 4:00am ah Kawlin khuachung um ralkap umnak palek sakhan, GAD zung, No. 1 High School cu mipi ralkap nih an kah hna i palek sakhaan le No. 1 High School ah hmun a khuar mi sakhaan pahnih cu an lak khawh cang, GAD zung cu a tutiang kulh in an kah cuahmah lio a si. Pinlebu khuachung GAD le palek sakhaan lawng lak ding a tang cang.
Sagaing ramṭhen chung a si mi, Asia lampi um Kalay-Khampat-Tam lampi um mi sakhaan pawl cu zaanlei 3:00pm tiang ah Yarzagyo tikhamnak sakhaan, Yarzagyo thongtla umnak sakhaan, Myouksi palak sakhaan, Khampat palek sakhaan, Wih Toh sakhan ti in a zapi sakhaan 5 an lak cang.
Atutan kahdohnak ah cheukhat sakhaan an lak khawh cang. Khuahuachung pawl zong ah kahdohnak an tuah cuahmah lio a si.
Upper Sagaing kahdohnak ah ERO tlangcung hriamtlai bu AA le PDF bawm in kahdohnak an tuah tiah BMC News sin in theih a si.
About The Author
