Salingyi Le Banmaw Ah Kahdohnak A Chuak I Ralkap Mawṭaw 2 A Rawk
The Chinland Post | 2023 July 12 — Sagaing ramṭhen, Salingyi le Kachin ram, Banmaw peng hna ah kahdohnak a chuak i SAC lei a thi mi an tam tiah theih a si.
July 8 zaanlei sml 5:10am hrawng ah Yinmarbin pengkomh, Salingyi peng Palek Battalion 28 cu Misssile, kuttang 60MM, 80MM, 120MM in an kah hna tiah theih a si.
Cu palek battalion 28 nih Salingyi peng, Wanpaung-Yansi Company ah himnak an lak bantuk in mipi hna namneh le hrem an hman lawng siloin 60MM, 120MM pawl zaan fatin khuate lei ah an kah tiah theih a si.
Cu bantuk in July 11 zaanlei sml 4:50pm hrawng ah Banmaw khua in a rak kai mi SAC Infantry 77 in thazang 100 leng SAC ralkap pawl cu Ya-U-Htan-Yaun khua le Nwelan khuate karlak hmunkhat ah KIA Brigade 5 B25 nih bomrap an puah hnawh hna i mawṭaw 4 chung ah 2 lamthlang ah a tla i a thi mi an tam tiah theih a si.
Hmanthlak Hlun
About The Author
