Seikphyu Kahdohnak Ah SAC Ralkap 7 An Thi
The Chinland Post | 2023 July 18 — Magway ramṭhen, Pakokku pengkomh, Seikphyu peng chung ah a um mi SAC ralkap sakhaan le SAC ralkap pawl kahdohnak ah ralkap 7 an thi i tampi an i hliam tiah NUG Ministry of Defense nih a thanh.
July 18 chun sml 11:20am hrawng ah Seikphyu peng Htamakauk sakhaan cu Rocket 3 in an kah hna i sakhaan chung ah a puah caah SAC ralkap pawl nih hriamngan le meithal in an rak kah ṭhan ve hna nain mipi hriamtlai pawl him tein an kir kho.
Cun July 18 zinglei sml 9:45am hrawng ah Seikphyu peng, Thapyay khua hnulei ah SAC ralkap 5 nih an i cit mi Jeep mawṭaw cu Pakokku PDF nih bomrap an puah hnawh hna i SAC ralkap 4 an thi 1 aa hliam leng ah an Jeep mawṭaw cu a sop dih tiah theih a si.
July 13 zong ah SAC hriam sernak sehzung No. 21 in a rak chuak mi SAC ralkap pawl cu Seikphyu peng, Kone khua le Kyaung khua karlak ah PDF phu pawl nih an kah hna i SAC ralkap 3 an thi, 10 an i hliam tiah theih a si.
About The Author
