Shwebo kahdohnak ah SAC ralkap 13 an thi
The Chinland Post | 2023 January 31 — Sagaing ramṭhen, Shwebo peng ah SAC ralkap le mipi hriamtlai phu hna karlak ah kahdohnak a chuak i SAC ralkap 13 an thi tiah LPDF sin in thawng theih a si.
January 30 zinglei sml 7:22am ah SAC ralkap le pyusawhtee pawl cu Minbe khua le Kyomezin khua karlak ah mipi hriamtlai phu pawl nih an bawh hna i an kah hna caah kahdohnak a chuak, kahdohnak chung ah SAC lei in 13 an thi, a thi mi chung in pyusawhtee hruaitu Khine Zin Oo, Min Myo Thu, Htet Aung hna pathum zong an i tel tiah theih a si.
Kahdohnak chung ah LPDF, SAF B04, C&T Shwebo LPDF, Taunggyi PDF, BO BA TAW LPDF, SNAKE EYES LPDF le Alpha-7 LPDF le adang PDF phu tampi fonh in kahdohnak an tuah hi a si tiah theih a si.
About The Author
