Shwebo Peng SAC Ralkap Sakhaan Le Pyusawhti Khua 3 Cu PDF Nih An Kah
The Chinlandpost | November 30, 2023 — Sagaing ramthen, Shwebo peng um SAC ralkap le Pyusawhti umnak khua 3 cu mipi ralkap PDF nih an kah hna i, khua-sakhaan 1 cu an chuahtak tiah theih a si.
November 25 zing sml 6:00am ah Shwebo peng um SAC ralkap le pyusawhti thazang 50 umnak Pyu khua a si mi, Ditidaw, Ngaungkaine le Zephyu khua tiah khua 3 cu PDF nih hriamngan, hriamhme, drone in an kah hna. SAC lei nih Mi 35 Helicopter in suimilam 1 leng voi 2 kah a bawmh hna, sakhaan pakhat kan lak deng nain vanlawng kahnak ruang ah hnu kan pil than tiah Bo Kyar Yaine mipi ralkap bu ṭuanvo ngeitu nih People’s Spring sin ah a chim.
Ditidaw khua kahnak ah SAC ralkap le Pyusawhti a thi mi 20 hrawng an si lai, mipi ralkap lei 5 hliam an tuar tiah Bo Kyar Yaine lei nih an chim chap. SAC ralkap sakhaan umnak Ziphyukung khua cu an kal tak caah mah sakhaan cu PDF lei nih mei an kangh.
Mah khua 3 kahnak ah Bo Kyar Yaine mipi ralkap bu, Wild Tiger LPDF hruaimi Shwebo no. 2 unau hawikom bu, Golden Eagle-ZBG, Bo JapanKyi, Shwebo LPDF, Bo Ba Taw LPDF, Yaung Ni-Shwebo PDF, Nagani Anawar-Shwebo LPDF, Taungtukyi PDF le Zero Urban battalion 7- BNRA, Lighting Drone Force ( We are everywhere) Drone bu le mipi ralkap ṭangṭi phu hna nih an kah hi a si.
About The Author
