Tamu Ah Ralkap Thazang le Hriam Chap In Ding In A Kal Mi An Kah Hna, Ralkap 4 An Thi

0

The Chinland Post | 2024 February 14 – Sagaing ramthen, Tamu peng, Aungzeyar ralkap sakhaan in SAC kekal ralkap pawl bawmhnak le hriam pawl chanh ding in a kal mi ralkap phu pawl an kah hna i SAC ralkap 4 an thi, hriam tampi zong an lak khawh tiah NUG kuttang PDF Headquaters nih thawng a thanh.

Tamu peng, Aungzeyar ralkap sakhaan in a kir mi ralkap LIB 89 kuttang ralkap pawl cu Homalin hrambunh SAC ralkap nih ralkap thazang le hriam bawmhnak pe ding in an i zuam hi a si tiah PDF Headquaters nih February 14 ah thawng a thanh.

Bawmhnak pek ding in a kal mi ralkap mawtaw cu PDF phu pawl nih February 13 ah an kah hna hi a si tiah theih a si.

Kahdonak chung in ralkap ruak 4 an lak khawh i PDF lei an him tiah theih a si.

Kahdohnak chung in pistol zuun 2, Machine gun zuun 3, meithal zuun 7, RPG bom lung 12, 7.62 kuan 4,700, 5.56 kuan 11,900, Carbine kuan 980, kuan phun 3 kha 170 an lak khawh tiah theih a si.

About The Author

Na ruahning rak langhter ve.. (Leave a comment)

%d bloggers like this: