Tamu ah SAC ralkap a bu in bomrap an i puah hnawh hna, 20 hrawng an thi
![](https://i0.wp.com/thechinlandpost.info/wp-content/uploads/2022/09/Freedom-Rangers-Tamu_FB.jpg?fit=640%2C479&ssl=1)
The Chinland Post | 2022 September 27 – Sagaing ramṭhen, Tamu ah mipi inn an khangh hnu in a rak kirmi SAC ralkap cu FRT le a hawikom phu nih bom an puah hnawh hna i SAC ralkap 20 hrawng an thi tiah Freedom Rangers Tamu (FRT) nih a thanh.
“Bomrap rikual a laifang hrawng an phak ah kan puah hnawh hna i a thi mi an tam, a thimi SAC ralkap pawl ruak cu Pantha ah an khangh i kan kut le ke zong a bul dih” tiah FRT thawngthanhnak rian ngeitu nih Mizzima ah a chim.
September 26 chun sml 2:00pm hrawngah Htantapin le Manmaw karlah ah ke in a kai SAC ralkap pawl laifang ah bomrap lung 4 an puah hnawh hna i SAC ralkap 20 hrawng an thi i tampi nih hliamhma an tuar hi a si tiah theih a si.