Tanintharyi ah SAC ralkap voi 2 an kah hna i 9 an thi
The Chinland Post | 2022 November 16 – Taninthary peng ah SAC ralkap pawl cu Myeik peng – PDF nih Nov 15 zinglei ah voi 2 an kah hna i SAC ralkap lei in a thi mi an um tiah PDF-Myeik battalion 2 nih a thanh.
November 15 zinglei sml 6 hrawng ah Myeik peng -PDF battalion 2, Company 1 le Taninthary Guerrilla phu hna nih Taninthary peng, Mawṭung khua hnulei ah SAC ralkap LIB 557 le 558 hna an kah hna i SAC ralkap 6 an thi i 6 an i hliam tiah theih a si.
Cu kahdohnak ah PDF phufonh lei in hriamtlai 1 a ban ah kuan nih a khen i aa hliam caah an kir ṭhan tiah theih a si.
Cu ni zinglei sml 8 hrawng ah Taninthary peng, Bawdikan khua hlei pawng ah SAC ralkap pawl cu Myeik – PDF phufonh hna nih an kah ṭhan hna i kahdohnak chung ah SAC lei in 3 an thi tiah an thanh.
About The Author
