Tedim peng, Laitui khuami bom aa lamh sual
The Chinland Post | 2022 August 10 – Chin ramkulh, Tedim peng ah ti remh ding in a kalmi Laitui khuami pakhat cu August 8 ah bom aa lamh sual caah hliam a tuar tiah theih a si.
Bom a lam sualmi pa hi Kap Za Hmung (Kum 40 hrawng) a si i fur caan ah ti a rawh lengmang caah ti remh ding in a kal lioah bom aa lamh sual i hliam a tuar hi a si tiah theih a si.
Laitui khuami pakhat bom aa lamh sualmi he pehtlai in SAC leiṭang Fifty Two News nih cun sia kawl dingah a vakmi khuami pakhat CDF nih an hmanhmi bom aa lam i hma a pu tiah a ṭial.
Laitui khua hi Tedim peng ah inn 1000 hrawng an umnak khua a si i khuami bom an i lamh sual hi atu cun a voihnihnak a si cang i a hlan July thla zongah sia kawl ding in a vakmi khuami 2 zong bomrap an rak i lamh sual i pakhat a thi, pakhat a ke aa tan, a mit a rak rawk cang.
About The Author
