Thantlang I Tuahmi Chin Miphun Ni Ah Pu Lal Luai Tunu Nu Sung Ly Hluan Khuang An Cawi

Salai Elvis| 2018 February 22| A kum (70) nk Thantlang ah tuah mi Chin Miphun Ni ah Pu Lal Luai tunu Nu Sung Ly Hluan khuang an cawi.

Lai phung ning tein sunhsak ngai le sunglawi ngai in Nu Sung Ly Hluan te inn in Pu Lal Luai certual tiang mizapi nih laang in an zawnh.

 

Khuangcawi mi Nu Sung Ly Hluan nih “Khuangcawi timi hi Laiphung ah kan sunhsak tuk mi thil pakhat a si tik ah chikhat te cu ka lau i ka thin a phang, sinain a ni taktak ah cun ka thin phannak an tlau dih i kai lawmtuk than. A dihdongh tiang tlamtlinnak he lam a kan hruaitu Pathian cung ah kai lawm tuk. February thla hi ka chuah cam tuak a si pinah tu bantuk in Laimi nih sunhsak ngai mi khuang an ka cawi tikah hin kai lawm khun” tiah TCP ah a chim.

Nu Sung Ly Hluan cu Thantlang kek Pu Lal Luai tunu a si. Sung Ly Hluan cu Pu Su But le Pi Tum Cuai hna i fa panga lakah a hniang bik a si. Amah cu 1992 kum Febuary 2 ah a chuak i Thantlang khua Seihpiozi sangah a um mi an si. Pu Lal Luai cu ramuk bawi Cinzah phun an si.+++

Leave a Commnet

%d bloggers like this: