Thantlang Khuachung Thantlang Ah Cozah Zungriantuantu Umnak Inn Sing 211 Dih In An Sakpiak Hna

Salai Elvis| 2018 January 9| Thantlang khuachung Cozah zungriantuan tu umnak inn vu ramkulh sakremhnak zung nih sing 211.000 dih in December 15 in Oh-Chin Tit-sar Company nih sak hram an thawk cang tiah thawng kan theih.

“Hi inn cu dot hnih, inn khaan 8 a um lai i a sau pe 202 a vaang pe 25 inn kan sak lio a si. March thla dih hrawng ah cun lim dih ding in kan timh mi a si” tiah Oh-Chin Tit-sar Company Engineer May Tu Aung nih TCP ah a chim.

“Thantlang kan van a tha, hi inn cu Matupi ah an pek ko hna nain hmunhma kong ah relrem lonak a um ca ah le Thantlang nih hmunhma kan pek khawh hna caah an kan pek. Chin ramkulh cozah cung ah kan i lawm tuk” tiah sipin Committee Chiarman Pu Ram Khar nih a chim.

Hi inn saknak mi zong Lamsul lei Minister Pu Sui Thio le Upadi bawizik Pu Thang Cung hna nih zohfel nak zong an ngei hna. Mah inn cu chaklei Seihpiozi sang Phungki pura pawng hmun rawnnak zawn ah a si tiah theih a si.+++