Thantlang Peng Khua 35 Ah Solar Mei An Bawmh Cang Hna

Salai Elvis| 2018 May 15|ย Myanmar National Electrication Project (NEP) bawmhnak in Thantlang peng khua cheukhat ah 2016-2017 kum in 2018-2019 kum tiang Solar mei khua 35 bawmhnak an hmu cang tiah theih a si.

2016-2017 kum ah khua 26 bawmhnak rak peng cang mi hna khua cu a tu ah duhtawk in Solar mei an hmang kho cang hna. 2018-2019 kum caah mei tha a cak deuh mi khua 9 zong a rauh hlan ah an bunh piak colh hna lai tiah theih a si.

โ€œTuan deuh khua 26 bawmhnak rak pek mi hna cu Company pakhat nih tuanvo lak in an bunhpiak dih cang hna. Mah lio ah solar meitha cu phunthum ah then a si, cu mei tha cu 30v, 45v le 60 v tiin a um cu chungah khuami hna nih an mah duh mi meitha paoh thim a si. An i thim zat meitha in tangka thawh chih a si. 2018-2019 kum a thar khua 9 bunh chap ding cu tuan deuh mei tha nak in a cak deuh i 100v le 60v a si lai. Bawmhnak ding khua zong a fiang dih cang. Solar mei thliri zong Thantlang a phan dih cang. Tu thla dih hrawng in rian an thok colh ko laiโ€ tiah hi kong tawlrel tu Thantlang peng khuate thanchonak zung riantuan Ebenezr nih TCP ah a chim.

Tutan ah a thar in khua 9 bawmh ding mi hna khua cu; Hlamphei, Lungcawipi, Aibur, Phaikhua, Congthia, Leitak (A), Lulpilung, Bungkhua le Vanzang khua hna an si i hi hna khua 9 caah meitha 100v le 60v a um i 100v a sok tu an tam bik tiah theih a si. Hi solar mei bawmhmi cu khuate thanchonak zung nih tawlrel piak in rian an tuan hi a si.

Hi chungah inn bingin lakmi dah ti lo manlo in Lam, Biakinn le Sianginn zongah bunhpiak chih an si. Mah Solar mei khuate ah bawmh mi cu a lengah duh poh in zuar le khuapi ah a thli in i kal pi khawh a si lo tiah theih a si.+++

Na ruahning rak langhter ve.. (Leave a comment)

%d bloggers like this: