Thantlang peng mipi palek phu cawnnak No. 3 tlamtling tein an dih
![](https://i0.wp.com/thechinlandpost.info/wp-content/uploads/2022/09/TT-peng-mipi-palek-phu_2022-Sep-21.jpg?fit=640%2C320&ssl=1)
The Chinland Post | 2022 September 21 – Chin ramkulh, Thantlang peng, mipi uknak phu hruainak in Thantlang peng mipi palek phu cawnnak No. 3 cu Thantlang peng hmunhma pakhat ah tlamtling tein an dih tiah theih a si.
Cu cawnnak ah minung 56 an kai kho i Karate, palek rianṭuannak a hrampi, phung le sual buarnak pawl zohfel daan hna an cawng i cawnnak a dih mi pawl kha certificate an pek hna tiah theih a si.
Cawnnak a dih cang mi hna nih Palek phu nih tinhmi a simi khua daihnak le zauk phung lennak, mipi caah rianṭuannak rian pawl kha CDF-Thantlang tlaihmi hmunhma pawl ah khuabawi pawl he fonh in phungning tein rian an ṭuan lai tiah Thantlang mipi uknak phu nih September 21 ah an thanh.