May 20, 2024

Thantlang ralzaam 10,000 leng bawmhnak an herh

0

The Chinland Post | 2023 February 8 — Chin ramkulh, Thantlang peng chung ralzaam 10,000 leng bawmhnak an herh tiah ralzaam bawmtu phu nih BBC ah a chim.

Thantlang khua mipi inn a zaa leng cu 2021 kumdongh lei ah ah SAC ralkap nih an khangh hnu in Thantlang khuami thong tampi cu hmunkip ah an zaam.

Atulio kahdohnak ruang ah Thantlang khuami hna cu khuate 90 leng i an chungkhat inn, ramlak le India lei ah an zaam tiah theih a si.

“An i dornak pawl hi unkalnak a har caah bawmhnak a phan lo. Tangka ngeih ko i Hakha, Kalay lei ṭum duh zong ah lam phih le kahdohnak ruang ah kal a ngah lo. Bawmhnak thilri phorh duh zong ah a har ngaingai” tiah Thantlang ralzaam bawmtu phu nih BBC ah an chim.

Mipi an um ti lo nak Thantlang khua ah SAC ralkap le Chin hriamtlai phufonh hna karlak ah nifatin ngawt in kahdohnak a chuak.

Kahdohnak chung ah SAC nih vanlei kahdohnak atu le atu a hman i February 4 le February 7 zong ah vanlawng in bom a thlak tiah theih a si.

About The Author

Na ruahning rak langhter ve.. (Leave a comment)

%d bloggers like this: