Thantlang ralzaam hngakchia pakhat khuai henhnak in a thi
![](https://i0.wp.com/thechinlandpost.info/wp-content/uploads/2022/08/Cung-Khua-Lian_FB.jpg?fit=512%2C512&ssl=1)
The Chinland Post | 2022 August 8 – Chin ramkulh, Thantlang peng, Vanmbai khuate ah ralzaam dirhmun in a ummi kum 4 hngakchia Cung Khua Lian cu August 7 chun sml 12:00pm hrawngah an inn pawngah khuai nih a henh i zaan sml 7:00pm hrawngah a thi tiah theih a si.
An umnak inn pawngah khuai nih bu a tuah i khuia nih a henh dih hnuah Tikir sizung ah piah a si ko nain a dam manh lo tiah theih a si.
Cung Khua Lian te chungkhar hi Thantlang khua seihpyuzi sang ah a ummi an si i SAC ralkap nih Thantlang khua an khangh ruangah Vanbai khua ah an zaam.