Thawngla Tu Pahnih Myawaddy Ah Tlaih An Tong

TCP-Thantlang|2020 March 5|Yangon khua hrambunh a si mi Frontier Myanmar Magazine i thawngla tu a si mi Naw Betty Han le The Myanmar Time hmanthlak thawnglatu a si mi Mar Naw hna cu March 4 zanlei suimilam 4 tluk ah Karen ramkulh ramri congtu palik (BGF) hna nih an tlaih hna tia theih a si.

Tlaih a tongmi thawngla tu pahnih hna cu an nunhumhimnak kongkau ah lungrethei a si. Atu tiangah khoi ka hmun le hma ah dah an chiah hna timi kan hlathlai lio a si, Cucaah Karen cozah le Media dangdang hna bawmhnak kan herh tiah Myanmar Free Press nih a thanh.

Frontier Magazine Chief Editor Thomas nih “thawnglak dingin Maywaddy ah a kal ko. Nizan in pehtlaih khawh a si ti lo. Humhimnak kongkau kan lungre a thei ko. Khoi dah a um i a nunnak caah tihnung a si maw timi kan hlathlai lio a si.”tiah a chim. (ref:RFA, Myanmar Free Press)