Thayetchaung Ah Kahdohnak Voi 3 A Chuak, Ralbawi Telh In 15 An Thi
The Chinland Post | 2023 June 21 — Taninthary ramṭhen, Thayetchaung peng, Yange khuate pawng ah kahdohnak voi 3 a chuak i SAC ralbawi 1 telh in ralkap 15 an thi tiah Daungmin Operation phu (TYC-PDF) nih an thanh.
June 8 ah Thayetchaung peng, Yange khuate le Kamyaing khuate karlak ah a rak lut mi SAC ralkap pawl cu PDF phufonh nih an kah hna i mins 30 tluk kahdohnak chung ah ralbawi 1 telh in 13 an thi i tampi hliam an tuar.
Cubantuk in June 13 zaanlei sml 3:00pm hrawng ah Thayetchaung peng, Yange khuate pawng Mwe tlang ah hmunhma a khuar mi SAC ralkap pawl PDF phufonh nih an va kah hna i mins 15 tluk kahdohnak a rau, SAC ralkap 1 a thi, zaanlei sml 4:00pm hrawng ah voikhat an kah ṭhan hna i SAC ralkap 1 a thi chap tiah theih a si.
Kahdohnak chung ah Thayetchaung peng PDF phu a si mi (TYC-PDF), Kalonemin Guerrilla phu hna bawm in kahdohnak an tuah tiah theih a si.
About The Author
