Thayetkua Khua Ah A Um Mi Pyusawhtee Sakhaan PDF Phu Pawl Nih An Kah
The Chinland Post | 2023 June 16 — Magway ramṭhen, Myaing peng, Thayetkua khua ah a um mi SAC kuttang pyusawhtee sakhaan cu PDF phu pawl nih an kah tiah M.V.P Revolution Force nih an thanh.
June 14 zaanlei sml 5 hrawng ah PDF phufonh pawl nih Thayetkua khua ah a um mi pyusawhtee sakhaan an va kah i pyusawhtee 9 an thi, 2 hliam an tuar tiah theih a si.
Kahdohnak chung ah PDF chungtel 1 nih a nunnak a pek i 1 hliam a tuar tiah theih a si.
Cu kahdohnak cu M.V.P Revolution Force, Aung Gyi pgu, Scorpion PDF, PKU PPDF hna bawmh in sakhaan an kah hi a si tiah theih a si.
