Thazang 180 hrawng SAC ralkap Captain Naga Commando phu nih an kah, SAC ralkap 5 an i hliam
The Chinland Post | 2022 September 15 – Sagaing ramṭhen, Pale peng chungah a rak lutmi SAC ralkap pawl cu Captain Naga hruaimi Myanmar Royal Dragon Army (MRDA) Commando phu nih an kah hna i SAC ralkap 5 an i hliam tiah an thanh.
September 14 zinglei ah Pale peng, Pann le Mwetung khuate pawngah thazang 180 hrawng SAC ralkap cu hriamtlai 13 a telmi MRDA Commando phu nih a naih tein an kah hna hi a si tiah an thanh.
Kahdohnak hi 15min hrawng a rau i SAC lei in a tlawmbik 5 an tho kho lo tiah MRDA nih a thanh.
SAC thazang a tamtuk ko nain Commando pawl nih hmunhma an theih deuh ruang, an thiam deuh ruangah him tein an kir kho tiah a langhter.
