Thla 15 Chung Ah Kahdohnak Voi 2,400 leng A Chuak, SAC Lei 4,400 leng an thi, PDF 360 An Nunnak A Liam
The Chinland Post | 2023 March 8 — NUG kuttang No. 1 kahdohnak hmunhma a si mi Sagaing ramṭhen, Magway ramṭhen, Mandalay ramṭhen le Shan ram chaklei hna ah hramhram in uknak lak a si hnu October thla in 2022 December thladongh tiang, thla 15 chung ah SAC ralkap le PDF phu hna karlah ah kahdohnak voi 2,2460 a chuak tiah NUG Ministry of Defense nih a thanh.
Thla 15 chung kahdohnak ah SAC lei in 4,467 an thi i 4,618 an i hliam tiah theih a si.
PDF hriamtlai lei in 361 an nunnak a liam cang i 476 nih hliam an tuar tiah a thanh.
Atu langhter mi kahdohnak pawl hi NUG MOG kuttang No. 1 kahdohnak hmunhma ah PDF, mipi runvengtu le EROs phufonh pawl bawm in SAC ralkap an doh mi a si tiah NUG MOG nih a langhter.
About The Author
