Thla 6 Chung Ah Thah Ding In Biakhiah Mi 15 An Um Cang Tiah AAPP Nih A Thanh
The Chinland Post | 2023 June 15 — 2023 kum thla 6 chung ah Anti-Terrorism Section (အကြမ်ဖက်မှု တိုက်ဖျက်ရေးပုဒ်မ) telh in phungning lo in nun chung thongthlak ding tiah biakhiah mi 54 le thah ding tiah biakhiah mi 15 an um cang tiah Assistance Association for Political Prisoners (AAPP) nih June 14 ah a thanh.
Tu kum January in June thla zarhhnihnak tiang Myanmar ram pumpi chung, SAC kuttang biaceih zung pawl nih nawl an chuah mi a si.
Cu chung ah nun chung thongtla ding in biakhiah mi nu 7, pa 47 an um i thah ding tiah biakhiah mi nu 4, pa 11 an um tiah cathanh ah an ṭial.
Atu bantuk thah ding tiah biakhiah mi telh in thla 6 chung ah thongthlak ding tiah bia an khiah mi 730 an um i cu chung ah nu 108 le pa 620 an i tel tiah AAPP nih a langhter.
About The Author
