Thlahnih chung kahdohnak ah SAC ralkap 100 leng an thi tiah CNDF nih a thanh
The Chinland Post | 2022 September 2 – Chin ramkulh, Falam peng le Sagaing ramṭhen, Kalay peng ah CNDF le SAC ralkap karlak ah a chuakmi thlahnih chung kahdohnak ah SAC ralkap 100 leng an thi tiah CNO/CNDF nih a thanh.
A luancia July le August thlahnih chungah SAC ralkap le CNDF hriamtlai phufonh hna karlak ah kahdohnak voi 16 a chuak i SAC ralkap lei in 133 an thi tiah cathanh ah a langhter.
Kahdohnak ruangah CNDF hriamtlai 2 an nunnak a liam i 5 an i hliam tiah theih a si.
Sagaing ramṭhen, Kalay peng le Chin ramkulh khuate hna ah SAC ralkap nih thazang tampi in an luh caah mipi hriamtlai pawl he atu le atu kahdohnak a chuak i khuami tampi zong himnak hmun ah an zaam hna.
About The Author
