Thongthlak Mi Siahngakchia 138 An Um Tiah AAPP Nih A Thanh
The Chinland Post | 2023 July 5 — SAC nih hramhram in uknak a lak hnu thawk in tlaih a tong mi siahngakchia 138 an um cang tiah Assistance Association for Political Prisoners (AAPP) nih July 4 ah cathanh a chuah.
2021 February thawk in 2023 July 4 tiang Myanmar ramchung ah tlaih a tong i thongthlak a si mi nu siahngakchia 31 le pa siahngakchia 107 an um cang tiah a langhter.
Cu chung ah Yangon ramṭhen in siahngakchia 65 an tlaih hna i hramhram uknak doh ruang ah tlaih a tong mi siahngakchia hna cu kum 7 thongthlak ding in biakhiah an si.
AAPP nih a langhter mi cazin ning ah, 2023 July 4 tiang ah Myanmar ramchung ah tlaih a tong mi 23,674 an um i cu chung ah 6,645 cu thongthlak ding in biakhiah an si tiah a thanh.
About The Author
