Timit hlei SAC nih remh an timh caah kaphnih kar entainak a fak

The Chinland Post | 2022 July 30 – Chin ramkulh, Hakha in Thantlang lei kalnak lam cungah a ummi Timit hlei cu CDF nih 2021 lioah rak chah a si nain atu ah SAC ralkap nih remh ṭhan an i timh caah CDF le SAC ralkap karlak entainak a fak tiah theih a si.

Hakha-Thantlang lam cu hman rih lo ding in CDF nih mipi ralrin a pek hna.

“SAC ralkap pawl cu July 28 zinglei ah ke in phukhat an kal, cun July 30 zong ah Hakha khuachung in mawṭaw pakhat in an kal ṭhan” tiah khuami hna nih The Chinland Post ah an chim.

Hakha ah hram a bunhmi LIB 266 nih Hakha-Thantlang lamcung timit tiva lei ah thazang an chap lengmang tiah theih a si.

Atu timit hlei remh ding ah aa rak thawhmi hi July thla hramthok lei ah Sagaing ramṭhen, Kalaymyo in Hakha lei ah a raami an si i an raknak lam thluangthluan ah CJDC Special Force, CNA le CNDF phufonh nih voi 8 hrawng an kah hna caah SAC ralkap a thimi an rak tam tiah theih a si.

Na ruahning rak langhter ve.. (Leave a comment)

%d bloggers like this: