July 25, 2024

Tin-kan-ngyi-naung IB 355 Kahdohnak Ah SAC Lei 19 An Thi

0

The Chinland Post | 2024 March 14 — Karen ram, Myawaddy peng le Kawkareik peng ramri, Tin-kan-ngyi-naung IB 355 sakhaan lak kahdohnak chung ah SAC lei 19 an thi i hriam le kuanzen tampi an lak khawh tiah KNU Headquarters nih thawng an thanh.

March 7 ah, Myawaddy peng, Tin-kan-ngyi-naung hrambunh SAC IB 355 cu KNU Brigade 6, KNLA le dothlennak phu pawl nih an kah i sakhaan an lak khawh, kahdohnak chung ah SAC lei 19 an thi i a thi chap mi zong an um kho, PDF lei 6 an nunnak a liam ve tiah KNU nih a thanh.

SAC nih vanlawng, hriamngan pawl hmang in kahdoh a bawmh hna caah mipi 10 leng an thi, aa hliam mi zong an tam tiah theih a si.

IB 355 kahdohnak chung in ralbawi tlaih mi MA-5 pistol zuun 25 telh in hriam tampi, kuan pawl, bom pawl, bomrap, kuthlonh bom le adang kahdohnak thilri tampi leng ah mawṭaw 5 zong an lak khawh tiah KNU thawngthanhnak in theih a si.

Cun KNLA brigade 6 hmunhma, Doo Pla Ya pengkomh chung um SAC ralkap sakhaan pawl, khuachung kahdohnak zong an tuah tiah KNU nih theihternak an tuah.

About The Author

Na ruahning rak langhter ve.. (Leave a comment)