Tu Thla Chin Ramkulh Hluttaw Caanhman Tonpumhnak Ah Company Riantuanning Biatak Tein An Ceih Lai

The Chinland Post| 2018 January 20| Tu thla Chin Ramkulh Hluttaw caanhman tonpumhnak ah Company pawl riantuanning biatak tein an ceih lai ti kan theih.

Cozah budget in company riantuan mi hna an riantuan ning biatak tein zohfelnak kong an ceih lai ti Hluttaw Chairman sin in kan theih.

“Hluttaw palai pawl nih biasu an chuah ning ceihkhan le, a bik in company riantuan mi zohfel piak hna ding le tu thla dih in tuah rak timh cangmi ramsa humhimnak kong kan ceih lai. Na-ta-la, sakremhnak le a dangdang budget in company riantuan tu hna an riantuanning ningcang tein an tuah maw tuah lo, quality a tling maw tling lo timi biatak tein zohfel nak kong kan ceih lai. Hakha peng Zathal le Buanlung kar Bawinu hlei an donh i these an hman mi zong lung he cawh hrup in an tuah cu mu, cun Hakha Market sak lio mi zong zeihmanh a muisam ning in an tuah lo, Timit dinti zong September, October thla ah kan dih lai an ti. December tiang hmanh ah an dih bal lo i hibantuk zong hi zeiruang ah dah a si timi zong zohfel i rengh deuh an hau” tiah Chin ramkulh Hluttaw Chiarman Pu Zo Bawi nih The Chinland Post ah a chim.

Tutan Hluttaw caan hmaan tonpumhnak cu 2018 kum ah a voikhatnak Hluttaw meeting a si lai.+++