May 29, 2024

Tukum Hakha Group Paih Ah Chin Hill Club In Aa Pai Dingmi

0

City Hunter| 2018 February 18| Hakha ah tuah dingmi Chin Miphun Ni, a phuphu (group) paih in Hakha Khuathar – Chin Hill club in aa pai dingmi pawl na hngal ve cang maw? Anmah nihhin World Champion Rung Lian Ceu hi an zuamcawh khun tiah kan theih.

Hakha ah February 20, suimilam 10:00am in thawk dingmi a phuphu paih ah Hakha Khuathar sang- Chin Hill club in aa pai dingmi pasal 5 hi atu lio Laihlum lakah pathawng pawl an si. Champion a co pah lengmang mi an si hna. Cu hna cu; Thawng Tling Lian, Mang Hnin Thang, Tluang Lian Thang, Hniang Hmung le Tha Hlei Cung an si.

Tluang Lian Thang hi zatlang paih he, a phuphu paih he zuamcawh he bual a co balmi a si. A hawile dang zong hi pathawng lawngte an si ve. World Champion Rung Lian Ceu paih hi an i ngaih ngai tiah kan theih.

Tluang Lian Thang hoihna nihcun “Keimah lawng hi champion taktak cu ka si. Zatlang he, a phuphu paih he, zuamcawh he hmakhatte ah bual ka co. Keimah bantuk bualcomi an um rih lo. Rung Lian Ceu hi keimah bantuk champion si a duh ahcun zatlang le a phphu paih zong ah i pai ve seh. Zuamcawh lawng i champion co cu a tlingmi champion taktak a si lo” tiah a chim.

Nikum Chin Miphun Ni a phuphu paih ah Chin Hill club nih pakhatnak an rak co. Tukum hi Hniarlawng zong an i timhtuah a tha ngai tiah kan theih.

About The Author

Na ruahning rak langhter ve.. (Leave a comment)