Tukum Hakha Town Churches Pumpululh Chuih Ah HBA Chungtel Khrihfabu Paoh Tel Lo Dingin Bia An Chah

0

Salai Cung Cung| 2018 May 10| Chin ramkulh Hakha, avoi 2nk Town Churches pumpululh chuih zuamnak ah HBA member church paoh tel an i timhlonak a ruang cu nikum ah tel lo ding in bia an rak chah cia cang a si tiah kan theih

“Avoi 2nk Hakha Town Churches pumpuluh chuih cu May 18 in thawk a si lai i khual sawmmi hi Chuncung, Hniarlawn, Loklung an si nain Loklung bel an i fiang rih lo. Hi pumpululh chuihnak ah HBA chungtel asimi town churches pawl an i tel kho lai lo. Aruang cu kan hnu kum HBA cup ah certual a kan hlan i kan pu nih a pe hna lo, kanmah ramkulh cup kan ngei lai ka ti caah kan pe hna lo. Kanmah timhmi um hlah sehlaw kan hlanh ko hna hnga. Abik cu anmah HBA cup lio certual kan pek hna lo caah tu kum hi an i tel duh lo nak asi. Kanmah nih cun voi 3 tiang church cio ah ca kan pek ko hna i an i tel duh lo cu a ruah awk kan hngal ve ti lo. Kanmah nih kan duh mi le kan i timhmi cu kan Chin ramchung in mino pumpululh chuih thiam tampi chuak hna seh ti kan duh caah asi. Cun Church pakhat le pakhat zong i theih le hawikomnak siseh ti hi kan saduhthahmi asi” tiah Hakha peng lentelcelhnak lutlai Jacob nih The Chinland Post ah achim.

HBA Youth Secretary hlun nih, “tukum cu Baptist paoh i tel kan itim lo. Nikum kha HBA Cup caah Vomtumaung kan hlan i ramkulh zaanglekcelhnak lutlai kha voi thum tiang ka len nain a kan pe duh lo. Cucaah Chief Minister sin tiang catial kan rak i tim nain biaknak le uknak kan si tikah aa dawh lai lo kan ti i ca tu tial loin kan ngaihchiatnak langhternak caah anmah nih an tuahmi bukip fonh pumpululh chuihnak ahhin HBA ramchung church paoh ahohmanh i tel lo ding in biachahnak kan rak tuah” tiah The Chinland Post ah a chim.

Avoi 2nk Hakha Town Churches pumpululh chuih zuamnak cu May 18 ah asi lai i Chin ramkulh zaanglekcelhnak zung nih bawmhnak (sponsor) pek asi lai. Hi pumpululh chuih zuamnak ah khrihfabu pakhat ah sing 1 cio bawmhnak pek a si lai.

Hi pumpululh chuih zuamnak cu Chin ramkulh zaanglekcelhnak zung nih sing 40 hrawng dih in timhlamh asi i pakhatnak laksawng ah sing 5 asi lai pahnihnak hi sing 3 asi lai i pathumnak laksawng pek a um lai lo tiah kan theih.

Avoi 1nak Town Churches pumpululh chuih zuamnak cu Chim ramkulh electric lei le Sipin minister Salai Isaac Khen nih sing 29 hlutmi in tuah a rak si i pakhatnak cu Free Methodist, pahnihnak cu Zion nih tiin laksawng an rak lak. Ni kum ah a rak chuih khomi phu 21 an si i tukum a chuih ding cu May 9 tiang ah aa fiangmi phu 14 lawng an si rih.

About The Author

Na ruahning rak langhter ve.. (Leave a comment)

%d bloggers like this: