Tukum Tanghra Awng Nih Sok Mi University Kainak Ding Sianginn November 15 Ah An Thanh Lai

TCP-Thantlang| 2018 August 15| 2018-2019 cacawn kum caah tukum tanghra awngmi hna nih Kawlram chung University kainak sianginn a sok mi hna cu November 15 ah phungning in an thanh lai tiah theih a si.

University sianginn kainak kongah an duhnak sianginn cio an sok mi cu tawlreltu hna nih kumdang bantuk in November 15 ah an thanh lai. Fimcawnnak zung Website http://www.moe.gov.mm/ zong kan tar langh chih lai. Cu pin ah sa-teih (cakuatnak zung) zongah tar a si lai. Mah nih rak i thimmi University sianginn zongah zoh khawh a si lai.

“November 15 hnu in cu zoh khawh a si cang lai University hmun 11 minung an rak auh nak hmun ah kan tar hma sa lai. Cu sianginn hna ah cun tanghra awnnak Mart rikhiah an si hna” tiah fimcawnnak zungpi Director lutlai Dr. Thein Win nih a chim.

2018 kum tanghra awngmi hna nih anmah le duhnak cio ah sianginn kainak cu June 26 in rak sok a si i University le Degree Colaged hmun 23 hna ah sok khawhnak rak tuah a si.
Ref: moe.gov.mm

Na ruahning rak langhter ve.. (Leave a comment)

%d bloggers like this: