U Ko Ni A Thattu U Kyi Lin Le Aung Win Zaw Thihdan An Pek Hna

TCP-Thantlang| 2019 February 15| NLD party upadi lei ruahnak petu upadi thiamsang U Ko Ni cu Yangon International Airport ah meithal in a kaptu U Kyi Lin le ahmuh (case) he aa pehtlaimi Aung Win Zaw cu Yangon thlanglei pengkomh biaceih zung nih February 15 ah thihdan pek in bia a chahpiak hna tiah kan theih.

U Ko Ni ahmuh he pehtlai in meithal in a kaptu Kyi Lin le tangka pek in a fialtu Aung Win Zaw cu thih hlan lo hri awhter ding in bia an khiah. Taxi mongtu Ko Nay Win a thihmi ruang ah Kyi Lin cu thong kum 20 le hriamnam ahmuh in thong kum 3 an chappiak chih.

Hi kong a bawmtu hna ti in Zayar Phyo cu thong kum 5 le Aung Win Tun cu thong kum 3 tiah a dangdang cio in biakhiah an si.

Ahmuh a can hnu kumhnih renglo chung zung auh le voi 100 renglo zung auh dih hnu ah atu bantuk in biakhiahnak an tuahpiak hna hi a si. Hi ahmuh kong ah meithal kahthiam U Kyi Lin telh in minung pali sualpuh an si i Aung Win Khaing tu cu a luat rih caah biaceih zung nih a tlizammi tiah an thanh.

U Ko Ni cu 2017 kum January 29 ni ah Yangon International Airport ah meithal hmuahchih in an kah caah a thattu hna anhmuh (case) cu kum 2 leng an chek fel hnu hna ah atu bantuk in biakhiahnak an tuah hi a si.

Hika ah U Kyi Lin te thihdan a petu Biaceihtu zik DVB nih bia an halnak video zoh le ngaih chap khawh a si.</p>

Ref: RFA, 7Day, Mizzima News, DVB

Na ruahning rak langhter ve.. (Leave a comment)

%d bloggers like this: