July 25, 2024

Uknak a ṭhat lo lio kha caan ṭha la in mipi pawl a nehsawhtu pawl cu a ziizut nan si lai tiah CDF-Hakha nih a thanh

0

The Chinland Post | 2022 August 18 – Dothlennak chungah uknak a tha a der tukmi kha caanṭha la in mipi pawl nehsawhnak, hramhram uktu pawl bantuk in thiltuahnak hna hmuh khawh a si caah cubantuk thil a tuahtu, cubantuk thiltuahnak he aa pehtlaimi pawl cu upadi ning in fak piin a ziizut an si lai tiah CDF-Hakha Council nih August 16 ah a thanh.

Chinland Defense Force-Hakha Council nih a tlaihmi Hakha peng ramri cu hramhram in uknak lak a rak si hlan 2021 January thla tiang fehtermi ramri ning in a um ko lai i khuate ramri hna zong thlennawnnak um lo tein cubantuk ṭhiamṭhiam in a um ko lai tiah cathanh ah a langhter.

Mi cheukhat,cheukhat phu, cheukhat khuate hna nih mah miaknak ca, kan ram daihnak a hrawh ding, dothlennak a caan rauhter ding ruahchannak he a ruang tampi bunh in ramri lonhnak, lo vahnak, thing, meihol pawl a thithup in zuarnak, mipi tlerhnak hna tuah rih a si ahcun a ziizut nan si lai tiah theihternak a tuah.

About The Author

Na ruahning rak langhter ve.. (Leave a comment)