UN nih Kawlram Palai Kong An Caih Lai
TCP Hakha | 2021 Nov. 25 — United Nations (UN) i rammi palai sinak zohfeltu phu (Credentials Committee) nih Ramkomh Kawlram aiawh in UN Zungpi ah palai a si dingmi kong caihkhanak an tuah cang lai tiah thawngzamh a si.
A ralaimi December 1 ah, UN Credential Committee nih National Unity Government aiawh in a dirmi palai Ambassador Kyaw Mo Tun nih maw palai sinak a peh lai, asiloah Ralkap nih thlah mi palai nih dah rampi a aiawh lai timi caihkhannak an tuah cang lai tiah theih a si.
Tutan December 1 ah chungtel sinak nawl biakhiaktu ram (9) nih Ramkomh Kawlram le Afghanistan ram aiawhtu palai kong an caih lai tiah UN lei nih a thanh.
Nihin tiang ah, a cunglei langhter mi ram hnih ning in a luanciami cozah hlun nih UN ah an aiawh peng rih.#
About The Author
