Van in bom a thlak caah an tlaihmi SAC ralkap pawl an thi tiah AA nih a thanh

0

The Chinland Post | 2022 September 29 – Rakhine ram, Maungdaw peng chung ah a ummi Latpan tlang ah SAC nih van in bom a thlak i an tlaihmi hna SAC ralkap le BGF pawl an hrennak hna thong a khen i thongtla a thimi an um tiah AA nih a thanh.

Chin ramkulh, Paletwa le Rakhine ram ah SAC ralkap pawl AA sin ah hriam telh in siseh, hriam telh loin siseh aa rak fonh mi an um i an tlaihmi SAC ralkap pawl zong an um. SAC ralkap an tlaih mi a zapi te 150 leng an um i ṭha tein an zohkhenh hna lengah cheukhat cu an kal duhnak hmun ah him tein an kuat hna tiah AA nih a thanh.

SAC nih vanlei kahdohnak ruangah aa hliammi SAC ralkap le BGF cheukhat cu thlopbul an si ko nain sii nih a zat lo caah a thi mi an um bantuk in cheukhat cu an himnak caah SAC nih rak lak hna ding in pehtlaih a si ko nain ni 5 a rauh tiang a kan pehtlai ṭhan rih lo tiah AA nih a thanh i hliam a tuar mi pakhat zong a thi tiah an thanh.

Hliam a tuarmi BGF le SAC ralkap pawl cu AA nih an ngeihmi sii-ai in a ṭha bik in an thlopbul hna tiah theih a si.

About The Author

Na ruahning rak langhter ve.. (Leave a comment)

%d bloggers like this: