Vanlei kahdohnak ruangah hngakchia 11 an thihnak kong SAC nih a cohlang lo
The Chinland Post | 2022 September 23 – Sagaing ramṭhen, Latyatkone khuate sianginn cungah vanlei kahdohnak ruangah hngakchia 11 an thi timi kha a si lo tiah SAC lei nih a chim. Tabayin peng Latyatkone khua sianginn ah SAC ralkap nih vanlei kahdohnak ruangah hngakchia 11 telh in minung 13 an thi tiah UN phu tampi le Nurin Covo phu tampi nih an thanh.
UNICEF telh in UN phu nih hngakchia 11 an thihnak cungah SAC kha sual an phawt. SAC nih UN le vawlei cung phu hna thawngthanhnak cu a dik lo i hngakchia 11 an thi timi kha a si lo tiah SAC biachimnak nawl a ngeitu Major General Zaw Min Htun nih a chim.
KIO le PDF phu nih mipi khamnak ah an hman hna caah kahdohnak chungah mipi aa hliam mi an um tiah a chim.
Hi kahdohnak hi sianginn pawl doh hrammi sualnak a si tiah Nuhrin Covo phu nih an chim.
UN General Secretary nih cun hi thiltuahnak cungah sualnak a tuahtu nih an inn lai i sianginn le sizung pawl kahdoh hi cu vawlei pi phung fiang tein a buar a si tiah a chim.
About The Author
