Vice President Henry Van Thio Nih Matupi, Mindat Le Kanpetlet Ah Bawmhnak A Pekmi Cheukhat

0

City Hunter| 2018 February 13| Kawlram ramkomh Vice President Henry Van Thio nih February 3-7 tiang Chinram a tlawnnak ah bawmhnak pek ding in bia a kamhmi, tuaktaanpiak ding a timi le a zohfelmi tampi lakah Matupi, Mindat le Kanpetlet peng caah thiltha a tuahpiakmi hna kan hngalh khawh tawk kan hun langhter.

Matupi Caah
1. Matupi cu pengkomh (district) zung pekmi saknak ding hmun a zoh.
2. Matupi ihkhun 25 sii-inn cu ihkhun 50 pekding in bia a kamh hna.

Mindat Caah
1. Mindat ah Education College pekding le saknak ding hmun a zoh.
2. Mindat ah Art @ Science college pek ding in hmun a zoh.
3. Mindat, Myomah market sak liomi a zoh.

Kanpetlet Caah
1. Kanpetlet ihkhun 25 sii-inn cu ihkhun 50 sii-inn pek ding in bia a kamh hna.
2. Kanpetlet ah Tawlrelba (war-uh) sehzung a zoh i a ngan deuhmi seh chiahpiak te ding in bia a kamh hna.
3. Kanpetlet ah Mount Victoria tlang a kai.
4. Kanpetlet khuami hna he ton biaruahnak an ngei.

Tutan Vice President Henry Van Thio khuallam ah a rak zultu ramkomh minister le a dangdang zung nih pengkip bawmhnak tampi an pek cio hna. Tangka fang in bawmhnak an pekmi hna hi fiangte in kan hngal kho lo. Atu kan langhtermi pin ah hin Pengkip nih Vice President sin ah catlap in khua thanchonak caah an halmi tete zong tampi a um. Cu chung in ruahpiak ding, zohfel than ding in bia a lehmi tampi a um rih tiah kan theih.

Tutan Vice President a khuallam ah ramkomh minister pakhat, deputy minister pathum, ramkomh cozah zung in General Director le Director tampi nih an rak zulh.

Motor lawngte in khan 600 renglo Chinram pengkip a tlawng. Kalay-Falam-Hakha-Thantlang, Matupi, Mindat le Kanpetlet tiang a tlawng.

About The Author

Na ruahning rak langhter ve.. (Leave a comment)

%d bloggers like this: