Watlet le Tanze peng kahdohnak ah mipi hriamtlai 15 nak tlawm lo an nunnak a liam
The Chinland Post | 2022 October 10 – Sagaing ramṭhen, Shwebo pengkomh, Watlet peng le Tanze peng ah SAC ralkap nih vanlei kahdohnak telh in SAC ralkap le mipi hriamtlai hna karlak kahdohnak ah mipi hriamtlai 15 nak tlawm lo an thi tiah theih a si.
October 8 ah SAC ralkap nih Watlet peng hmailei cu van in kahdohnak a tuah i mipi hriamtlai 8 nak tlawm lo an nunnak a liam tiah khuami hna nih an chim.
“Jet Fighter 2 in bom a thlak i Mi 35 nih a naih tein a kah hna. Cu hnu ah mi bawmtu Helicopter in minung a rak thlak hna” tiah Khit Thit ah an chim.
Cu bantuk in chun sml 12:30pm zong ah Shwebo pengkomh, Taze peng ah SAC ralkap le mipi hriamtlai hna karlak ah kahdohnak a chuak i mipi hriamtlai 7 an nunnak a liam tiah MDF-Hydra Force nih a thanh.
About The Author
