June 22, 2024

Yangon Hlaingtayar Nitlak Lei Um Ralkap Palek Le Pyusawhti Umnak, Rakhine Yoyarlay Khuabawi Zung Bom An Puahhnawh

0

The Chinland Post | February 7, 2024 — Yangon, Hlaingtayar nitlak lei um ralkap, palek le Pyusawhti hmun an laknak Rakhine Yoyarlay khuabawi zung cu Bom An Puah Hnawh tiah Dark Shadow bu in ralkap A Yeik (Panda) nih Yangon Khit Thit sin ah a chim.

February 7  zaan 7:10pm ah Dark Shadow bu le tangti GOD phu nih remote control bom in an puahhnawh hna.

Yangon Urban Ground ralkap lei nih SAC he naihniamnak hmun, ralkap an umnak hmun pawl ah bom puahnak tuah a si cang lai caah tualchung mipi ralring tein umkal ding in Dark Shaw le GOD bu nih ralrinnak cathanh an chuah tiah theih a si.

Min Aung Hliang nih hramhram in uknak a lak hnu, Yangon khua mipi ralkap cu May 5, 2021 in May 31, 2023 kum 2 chung ah Yangon ramṭhen mipi ralkap (S.O.F/Special Task Force-S.T.F)  Bakahphah), UG le hriamtlai bu bu dang hna he tangrual in kahdohnak voi 2000 an tuah.

Yangon Operation kahdoh nak ah SAC lei Colonel telh in minung 600 leng an thi. Minung 900 leng hliamhma an tuar. Mipi ralkap lei in 80 leng an thi. Hliampu mi 100 leng le tlaih a tong mi 1,000 leng an um tiah theih a si. Kahdohnak hmun pawl hi Buddhist pawl Titoih puai lio Hlaingtayar peng, Kuah bazaar DC ah bomb puaknak, SAC vanlawng umnak hmun kahdohnak le hmun dang bomb puahnak vialte fonh ah SAC ralkap le police kahdohnak voi 1,000 leng, khuachung uknak zung kahnak voi 800 leng, Sipuazi lutlai pawl kahnak voi 200 leng vialte fonh in Special Task Force kahdohnak voi 550 leng le bomb puahnak voi 1,500 leng a um tiah theih a si.

National Unity Government of Myanmar (NUG) kuttang um Yangon ramṭhen ah Khuachung (Underground Movement) ralkap rual nih SAC ralkap le a bawmchan tu dohnak in June 1 ni ah Yangon hrambunh a hmasa bik Battalion 5,101 cu dirh a si cang tiah thawngthanhnak an rak tuah.

SAC ralkap nih hramhram in uknak a lak hnu Myanmar ram ah PDF Battalion 300 leng cu peng (Myo- 250) ah dirh a si cang tiah NUG nih a langhter.

Photo- Yangon, Tamwe chung, 2022 ah bom a puah lio hmanthlak hlun

About The Author

Na ruahning rak langhter ve.. (Leave a comment)