Yangon-Mawlamyaing lam ah SAC ralkap mawṭaw bom an puah hnawh hna i tampi an thi
The Chinland Post | 2023 February 6 – Yangon le Mawlamyaing lam, Bilin-Thaton lam, February 4 zaan ah SAC ralkap mawṭaw bom an puah hnawh hna i SAC ralkap mawṭaw 1 a rawk, 5 nak tlawm lo an thi tiah thawng theih a si.
Mawṭaw 8 aa tlang mi SAC ralkap mawṭaw pawl cu Thaton peng, Bokham certual le Zayarkyun karlak ah KNLA B02, Company 3 phufonh le Hawk Revolution Squad-HRS nih bom an puah hnawh hna tiah February 5 ah an thanh.
Bom puah hnawh hnu in kahdohnak sml cheu hrawng a chuak tiah theih a si.
Kahdohnak chung ah mawṭaw 1 a rawk, SAC ralkap 5 an thi, 5 fak pi in an i hliam tiah theih a si.
HRS le KNLA phufonh nih January 27 zaanlei le zaan zong ah Bilin peng, Ziwan khua pawng ah a um mi SAC No. 314 kha bom an thlak hnawh hna i SAC ralkap 8 an thi, 15 nak tlawm lo an i hliam tiah HRS nih a rak thanh.
About The Author
