Ye Ah SAC ralkap Kahdohnak Ruang Ah Mipi 3 Leng An Thi
The Chinland Post | 2023 June 26 — Mon ram, Ye khua chaklei ah a um mi Hnitkayin khua ah June 25 chun ah SAC ralkap nih Helicopter in an kah ruang ah mipi 3 nak tlawm lo an thi tiah Ye PDF nih cathanh an chuah.
Ye khua chaklei hrambunh PDF pawl nih chun sml 12:00pm ah Hnitkayin khua ah a um mi palek sakhaan an kah hna i sml cheu leng kahdohnak a chuah hnu ah Mawkanin hrambunh SAC No. 317 hriamngan ralkap nih hriamngan in kahdoh an rak bawmh hna bantuk in Helicopter zong in a rak kah hna caah PDF pawl an kir ṭhan tiah an thanh.
Cubantuk in SAC Helicopter nih kahdohnak a rak tuah ruang le hriamngan an kah ruang ah mipi 4 hrawng an nunnak a liam i 20 hrawng an i hliam i khuami tamoi zong himnak hmun ah an zaam tiah theih a si.
About The Author
