Ye Khua Ah SAC Ralkap An Kah Hna, Captain 2 Telh In 27 An Thi
The Chinland Post | 2023 October 21 — Mon ram, Ye khua ah a um mi SAC ralkap pawl cu dothlennak phu pawl nih an kulh hna i karceh in an kah hna caah Captain 2 telh in ralkap 27 an thi i meithal zuun 13 le kahdohnak thilri pawl zong an lak khawh tiah theih a si.
October 20 zinglei ah, Ye khua hlei ah hmunhma a khuar mi SAC ralkap 100 leng cu dothlennak phu pawl a si mi Daw Na phu, YGF,MSRF le ABSDF Battalion 1 hna nih kulh in an kah hna caah Captain 2 telh in SAC ralkap 27 an thi tiah PVTV nih a langhter.
Kahdohnak chung ah dothlennak phu lei 12 an i hliam ve i 2 hi fak ngai in an i hliam tiah theih a si.
Kahdohnak chung in SAC ralkap meithal tampi, bom pawl le hriam tampi leng ah phone 7, Icon 2 le Icon two Way Radio 3 hna an lak khawh tiah theih a si.
About The Author
