Ye Khua Hrambunh SAC Battalion Pahnih Hriamngan In An Kah Hna, Ralbawi 1 Telh In 3 An Thi
The Chinland Post | 2023 September 14 — Mon ram, Ye khua hrambunh SAC MOC 19 kuttang IB 583 le IB 591 chung ah hriamngan an kah i Lieutenant 1 telh in 4 an thi tiah Daw Na Column nih thawng an thanh.
September 12 chun sml 2:30pm in 2:45pm tiang Ye khua hrambunh MOC 19 kuttang battalion a si mi IB 583 le IB 591 chung ah Daw Na Column nih hriamngan an kah i a umnak tual chung ah a tla i a puah caah IB 591 chung Lieutenant 1, Lt. Sergeant 1, adang ralkap 1 le a nupi tiah an zapi 4 an thi, 7 an i hliam tiah theih a si.
Kahdohnak chung ah Daw Na Column, Ye Guerrilla Force, MSRF, YDF, MSRO, ABSDF B01 le YAF, KNLA B27 hna an i bawm tiah theih a si.
About The Author
